مرحلة نهاية المشوار

" ممكن واكيد توصل لمرحلة فـ حياتك تعتقد فيها ان خلاص الحاجات اللي كنت بتعملها مش هتقدر تعملها تاني ولا هتقدر تحقق نجاح يضاهي النجاح اللي حققته بل وبالعكس ممكن تفكر ان خلاص تفكر ان اللي وصلت ليه دي القمة بتاعتك دي نهاية مشوار النجاح "

ده طبيعي ومش غريب وده لعدة أسباب تعالي كدة نجيبهم واحدة واحدة

( السبب الأول )

انك تكون حققت نجاح اكبر من اللي كنت مخطط ليه او متخيله وده توفيق من ربنا سبحانه وتعالي ومكفاءة ليك ع سعيك ومجهودك ، طب واية الأسباب التانية جايلك ف السكة ما تستعجلش الأسباب التانية يا سيدي ، واحد منهم انك خلاص كسلت او بمعني اصح استكفيت  من النجاحات اللي حققتها وعاوز تفضل زي مانت من غير ما تتحرك وبتحاول تطبق نظرية عصفوراً فـ اليد خيراً من عشرةً عـ الشجرة وده غير صحيح لان اللي بيحقق نجاح قدامه طريقين ملهومش تالت الاول وهو تحقيق نجاحات اكتر والتاني  انه يفضل يرجع يرجع ويبقي اقل من العادي وده مش مطلوب ، سامعك ياللي بتقول وايه الجديد بطل هري وهات المفيد هقولك معلش استحملني للاخر ، طب احنا كده قولنا سببين ، ايه فيه غيرهم ولا كده خلاص ، لا فيه وفيه كتير كمان بس انا هحاول اجيب الأكثر انتشاراً والأكثر افادة السبب التالت بقي يا حضرة المستعجل هو نفس قلة صبرك ع كلامي او بمعني اصح الاستعجال ايوة ما تستغربش واحد يقولي ازاي الاستعجال يقدر يقنعني اني مش هقدر احقق نجاح تاني أقوله اسمعني وبعد كده احكم ، ممكن حضرتك كنت قريب من ربنا وعشان كده فـ بداية مشوارك سهل الأمور معاك وبقيت بتلاقي كل الناس بتحبك وكله بيشجعك وكله بيقوي فيك ثقتك بنفسك وبسبب ده حققت حققت نجاح كبير فـ مدة قصيرة وبدء بقي يركبك داء التكبر شوية علي حبة غرور وفجأة بعدت عن ربنا فتلاقي اللي كانوا بيشجعوك قلوا واللي كان بيعزز ثقتك فـ نفسك بقي بيقطم فيك وانت مش واخد ع ده انت وخدت ان الأمور تبقي ماشيه معاك  زي ما بيقولوا زي السكينة فـ التورتة هتبدأ تتخنق وتتضايق ، انا مش عارف أتقدم وتبدأ تقنع نفسك ان كل الناس ضدك وان مفيش حد جمبك وده غير صحيح تماماً ، لان من الطبيعي ان لازم تواجه صعوبات فـ مشوارك وطريقك للنجاح ولكن بما انك مستعجل زي ما قولنا فـ الأول واستسلمت بسهولة وده كان السبب التالت ، من وجهة نظري اللي طبعاً ملهاش أي قيمة ان دول اكبر الأسباب المنتشرة اللي بتخلي الواحد يكتفي بالمكانة اللي حققها ويعتقد انه خلاص لا يستطيع التقدم اكتر من ذلك لكن ديماً عشان نواجهة هذه المشكلات لازم منخليش لطموحاً سقف ولكن نخليه حر طليق وايضاً لا ننسي الاخذ بالاسباب والتوكل ع الله وليس التواكل والقرب منه لان ده هيخلينا نكمل فـ طريقنا ومشوارنا للنجاح وفـ النهاية اتمني تكونوا استفدتوا من كلامي واتمني ان تلتمسوا لي العذر في أي أخطاء سواء كانت لغوية او املائية والسلام عليكم ورحمة الله وبركاته