قصيدة مش انا

كاره عيشتي كاره مكاني، حتي كاره اسمي وعنواني 

حاسس اني مش انا، حاسس اني واحد تاني

رافض اعيش دور الضحية،رافض اعيش دور الجبان 

شايف اني اقدر اعيش بطل.. شايف عندي مبادئ غير اي انسان

نفسي اكون حد غيري.. نفسي اكون مش انا 

كل حاجة فيا رفضاني.. حتي هدومي مش طيقاني

ما بحبش اكون طبيعي.. ولا احب اكون عقلاني 

اعشق دايما الجنون.. واموت في المغامرة.. حتي لو لثواني

اضهر قدامك هادي وحنون.. لكن جوايا زحمة وكون 

كون غريب بكل ما فيه.. من سكانه.. لحد اراضيه

ابهرك بافعالي.. لكن مستحيل تتوقع اقوالي

ف لحظة تعتقد انك حفظتني.. وف ثانية تلاقي انسان تاني

عاوز اكون كل حاجة من دكتور لحد حرامي

غريب كلامي.. تسمعني تقول مجنون.. لكن هتقرب مني.. هتلاقيني عاقل.. وفاهم الكون

انسان مزاجي ف كل اوقاتي.. من يوم ولادتي.. لحد يوم وفاتي

لو حبيت احب بجنون.. ولو كرهت ممكن ادمر الكون

الكدب ملوش عندي مكان.. ولا حتي ليه ف دفاتري ولو عنوان

صادق ف مشاعري وما اقدرش اخبي.. مش لازم اقولك لو انت فاهم.. هتسمع دقة قلبي

كلامي غريب عجيب مش مفهوم.. لكن بيوصف حكاية انسان عايش معاك ف الكون

عايش معاك ورافض حياتة.. رافض حتي يوصف حكياتة

بهرب من اللي مريحني وبدور دايما ع اللي تاعبني

ممكن اكون رافض السهولة.. بس اكيد مش لسه طفل ف سنة اولي

ممكن اكون برتاح ف كتابتي.. لكن مش بحكي كل حكايتي

لان حاطط دايما حدود.. لكل انسان حتي لو مش موجود

بحترم اللي قدامي مهما كان تفكيره

اسلوبي دايما واضح وصريح.. لا بحب اللف ولا احب ادور ع التصريح

كلامي خارج ومش راجع.. زي اللي بايعني بالظبط 

لو ف مرة رجع كلامي.. يقدر هو يرجع مكانة

ممكن اكون بضحك.. بس نادر اكون مبسوط

من الاخر انا حد غريب عجيب بس ابسط من البسيط.. انا حد بسيط في مشاعره وبسيطة كمان اوجاعة مش بزعل من شئ باعني او بتأثر بوداعة.