ممكن اكون غريب عنك
بس اقرب ليكي منك
او حتي جديد ف حياتك
جايز اكون شخصية ف كتباتك
او ممكن اكون انسان
مش داخل حساباتك
ممكن اكون مرحلة
وعدت ف حياتك
ممكن اكون انسان نسياه
رمياه ع الرف ومش فاكراه
بس صدقيني هترجعيلي
وف الازمة هتحتاجيني
وف الشده هتلاقيني
مستنيكي تكوني معايا
مش عشان كرامة هبعد
او عشان شوق هقرب
لكن عشانك انتي ايوة انتي
انا انتي لكن من بعيد
انا ذاتك وذكريات
وكل الحاجات الحلوة اللي ف حياتك
انا نقطة بيضة
وسط صفحاتك السودة
انا شئ مستحيل يبعد عنك
او حتي يفكر انه يضرك
انا ضميرك اللي نسياه
انا ضميرك اللي مش فاكراه
انا ضميرك اللي مات بسبب القسوة
وطول البعاد
يا تري هتحييني
ولا هتعيشي ع اللي فات
يا تري هترجعيني
ولا هتفضلي كائن بدون بدايات
مش هضغط عليكي بس هفكرك
لازم تعيشي حياتك وتدوسي ع ذكرياتك
وخليكي فاكره لو كان فيه الخير مكنش رماه الطير
0 تعليق على موضوع : ممكن اكون
الأبتساماتأخفاء الأبتسامات