حسن علي - صورة في محفظتي | Hassan ALi - Swra F M7fzty

الكلمات

صورة متعانة ف محفظتي

مخبيها ومخبي معاها حكايتي 

ولما بفتكرها بطلعها قوام واعاتبها 

بحكيلها ع عمايلها.. وقد ايه الايام صعبة من بعدها 

قد ايه مش قادر ع بعدها 

بشكيلها منها ليها.. وعن قسوتها ف عز ضعفي 

وحكمها الظالم عليا بدون حتي ما اترافع وادافع عن نفسي 

نطقت حكمها بدون مرافعة.. ونفذته بدون استئناف 

زي ما يكون كانت مستنيه تمشي بس كانت بتخاف 

كانت بتخاف تبان قدام الناس ظالمة.. معدومة الضمير معندهاش رحمة 

ومع اول غلطة ليا نطقت حكمها الراضع بدون اي شفقة او رحمة.. ولا عملت حساب اننا ف يوم كنا احباب 

قد ايه كانت لحظة وداعنا غير طبيعية.. كنا كاننا اغراب مكنش ما بينهم اي قرابة

كنا كاننا عيلتين ف وسط صعيد متخلف بتفكيرة ما بينهم تار 

كنا كاننا عزف خارج من الاوتار يقطع قلب مستمعيه وينسفهم من الطيبة.. وياكدلهم ان مفيش حاجه اسمها احباب.. حب يعني وجع يعني عذاب يعني قلة نوم وحيرة والنهاية واحدة وهي فراق 

عجز للحظة تفكيري.. واترسمت ضحكة جوا عيني 

مفوقتش غير ع كلام.. اخويا وهو بيقولي يلا عشان تنام 

طيت صورتها ف محفظتي وقفلت عليها حكايتي 

بس اخر لحظة فاكرها.. لما كنت شاغل تفكيرها 

لما كانت تسهر تستناني بالساعات.. وتكلمني بحجة وتقولي اوعي تنسي الملزمات 

كنت برد عليها بسرعة واقول وحشتني صاحبتهم.. تعمل جد ومتعصبة وتقولي عيب يا واد احنا اخوات 

قال يعني فكراني عبيط.. وهو فيه ف الدنيا اخوات يتصلوا ببعض قبل الفجر ع اساس يسالوا ع ملزمات 

ضحكتها لحظتها كانت بمثابة جرعة افيون ناساني ف ثواني تعب اليوم 

قد ايه الموت ظالم علشان خدك مني ف يوم 

لو كنت اطولة كنت قتلته كنت دبحتة كنت ظلمته زي ما ظلمني كنت بارزته كنت ياكون هازم يا يكون مهزوم 

بس مكنتش هسمح ابداً ياخدك مني مهما يكون.. كنت همسك فيكي بايدي واسناني 

كنت هصالحك كنت هسامحك كنت هكونلك كنت هنسي عذابك واي كلام من كلامك مكنش عاجبني ف يوم 

ندم التاخير عن تنفيذي ده اكبر بكتير من وجع فراقتك 

يلعن ابو كرامتي قصاد لحظة كنت اكون فيها جامبك 

اوعوا فيوم لو حبيتوا تستنوا بعض حد يتنازل.. اتنازل وكون جامبها لو فعلاً بتحبها وف اخر كل يوم طمنها انها ف قلبك وانها اختارت راجل يكون ف قلبه

دي نصيحة مني ليكوا يا شباب الايام دي.. الحب عمره ما كان شات ولا اي كلام ع الفاضي وحبة حوارات 

الحب راجل قد كلمته شايف حبيبته هي كل دنيته 

الحب بنت بميت راجل صانت راجلها ف غيابه وشدته 

اسمعوها مني 

اسمعوها بدل ما ف الاخر تبقوا صورة ف محفظها مقفولة ومليانة وجع وحكايات

الفيديو